::.•° ودي أضمـك لين تصبح على خير °•.::


افتح شبابيك الهوى جيتـك اليوم
بحساس من زود الوله احسه يطير
جيتك مثل طفلن له ايام محــــروم
عن حضــن امه بعدته المقاديــــر

وجيتك مثل عودن له ايام مهمــوم
وده يلاقي باخر الــوقت تقديـــر
وجيتك حضن عاشق وهايم ومغروم
وده يضمك لين تصبح على خيـــر

متى تحس ان الهوى شي مقسوم
من قسمة الخالق على خلقه يصير
ومتى تحس اني لك اطيح واقـوم
واتعب على شانك واقدرك وآغير

لي في هواك احلام وامال وعلوم
واحزاب واصحاب وقصيد وجماهير
وهموم وافكار وهواجيس وحلوم
ودروب واخطار وعذاب ومشاوير

وحب وغلا واخلاص ومعاند ولوم
واحساس والهام وشعور وتفاكيـر
وصحبة سهر ومقاطعة لذة النوم
واشـواق جياشه وعشق وتعابيـر

في ذمتك مابان لك شي مكتـوم
من بعد ماصورت الاوضاع تصويــر
لاتحسب انك شي عابر ومعـدوم
وتاريخ حبك فاق كل الاســاطــير

كني لقيتك بأغنيه لأم كلثــــوم
وكني قريتك في رواية شكسبيــر
في كل شي اتخيلك واسمعك دوم
واتأملك في الوقت الأول ولآخيـــر

من ماضي الأيام لايومك اليـــــوم
وغـــلاك عندي ماحصل فيه تغييـــر
وانا لك الله ماأقبل البيع والسوم
ولا ارضى علي ولاعليك المخاسيــر

لاْني الوحيد اللي على بحرك يعوم
واللي عرف مرساه في رحلة السير
لحظه حبيبي قبل يسبقني النوم
بضمك لصدري لين تصبح على خير

شكرا

يعطيكي اياا العافيه

افتح شبابيك الهوى جيتـك اليوم
بحساس من زود الوله احسه يطير
جيتك مثل طفلن له ايام محــــروم
عن حضــن امه بعدته المقاديــــر


يا زين هالأبيات
تسلمييييييييييين يالغاليه
عالقصيده الرائعه
تحياتي
حروف من الروح

تسلم يدك الحلوه
كثير روووعه
ربي لايحرمنا من ابداعك الرائع

مشكووووووووووورين

نورتو

يسلموو الانامل يالغالية
ننتظر المزيد من ابداعاتك
تقبلي مروري المتواضع



أخوكـ
مجروح بلا ألم