[السلام عليكم ورحمة الله وبركاته

بيت القصيد

يا ربي مدري وين اروح مليت من كثر الجروح

مثل ما ذكرت قبل برد اذكره الحين .. ما شاء الله وصل للقمه .. صوته في تطور دايم .. يعني فرق السما والأرض بين صوته في جمال الروح وصوته الحين في الأشرطه اليديده ( هذا رايي ونحن تعودنا علاصراحه في انشاد )

راعي شعور المحتري دقة الباب ينطر تجي ناس تعنو يخطبون

ههههههههههههههه قويه منك يالسعيد والله قويه .. كلمات هالنشيده قويه .. بس حلوه في معناها حلوه واااااايد .. يابها السعيد !!!

تقوا وريح النفس الحزينة .. ولا حد يستريح الا بصلاته

انا هالنشيده عيبتني كلماتها ولحنها يوم كنا ( احم احم شوي بغبر المنتدى) .. جاااااااااااااان تذكرون المهرجان اللي كان في قصر الثقافه .. ابراهيم السعيد نشد هالنشيده على لحن حبيب الله .. يعني لحن هالنشيده الأصلي هو لحن نشيدة حبيب الله .. كانت احلى بهذاك اللحن .. الحين اللحن سريع وجيه .. (ما يعيبني هاللحن)
سميناها نشيدة وحده وحده وحده .. ( اللي بيسمعها بيعرف شوه المعنى هههههه )

سر يا قلم واكتب من القول واوجز .. أبيات شعر للنشاما وجيزه
الله لا ضاقت عليك الوسيعه .. تلقى ما بين صده وميله

وييييييييييين ؟؟ ويييييييييين ؟؟ الصراحه ما احب هالاألحان .. بس من ناحية الكلمات حلوه وايد .. والأصوات .. ذكرنا فهد الكبيسي بس الهاجري ... جاااااااااااي فالدرب ..

رب الولد ربه على درب الاخيار .. درب الرجال اللي سماهم سميحه
درب الصاحبة درب طلحة وعمار .. اهل العقول اللي مزاها رجيحه

روعه .. روعه .. روعه .. روعه .. ولو في كلمه احلى من روعه والله هالنشيده تستحق ان نقولها فيها .. كلمات حلوووووووووه وتدخل العقل والمخ (انزين شوه غيرتي يعني عقل ومخ) نكمل وتدخل النفس والله تحس جيه تحرك مشاعرك .. وايد حلوه ..

والهاجري ( نرمس عنه والا بلاها ؟؟ >>> لا نرمس عنه )

صوته .. أداءه .. ألحانه .. بختصر وبقول ..

ما شاء الله .. تبارك الرحمن ..

أثبت وجوده فالساحه الإنشاديه غصبا عن اللي يرضى واللي ما يرضى ( ظرابه هي ؟؟!! ) واايد واايد حلوه النشيده .. احلى نشيده فالشريط ..

نهج الفخر >>> طالعه من الخاطر

اعادة هالشطر .. وقت مع صف النفوس الشحيحه >>> وااااايد حلو

يوم يعيد النشيده من اول ويديد عقب هذا كله

روعه روعه تحس انه بيصيح

الآهات في نهاية النشيده .. اروع من الروعه بعد

بالمختصر المفيد .. النشيده كلها على بعضها حلوه ..

بس ترا النشيده حركات .. ( ههههههه يعني آخر شي وايد فيها حركات روعه )

تحياتنا لك يالهاجري ..

-------------------------------------

الى روحي

ها وصلنا له .. هاهاهاهاها

كلمات كل الأناشيد حلوه ..
اداء الكبيسي في كل الأناشيد روعه ..
بس نختلف فالألحان ..

احلى 3 أناشيد ..

على كثر الهموم اللي في قلبي ماشكيت الحال .. وعلى كثر الجروح اللي تمادت اكتم العبره
وايد حلوه هالنشيده .. لحن وأداء وكلمات .. روعه ..

حاطينها اول شي عسب يوم الناس يسمعونها يقولون الشريط كله حلو .. حركاااااااااااات ( امزح امزح .. )

ترى كل الطعون في ذاتي ما طرت عالبال .. ولا هزت كياني لا .. ولا هزت ولا شعره

وأظل ادعي عسى ربي .. يخلي خوتك ليه

احس كلماتها ( غزل) .. بس حلوه النشيده لحناً ووزناً وقافيةً ومضموناً وموضوعاً ( عربيييييييييي النقد مال اول هاهاهاها )

غريبة قصة الاحساس وأغرب لانحكت للناس

عقد جواهره القلوب وموثق .. للبر في الآباء والأبناء

الحب الطاهر .. ما نروم على اسم النشيده!! حلو لحنها .. وكلماتها بعد حلوه ( مب جنه تعيد نفس الرمسه )

واذا تصافحت النفوس على التقى .. قويت حبال عقيدة وإخاء

----------------------------------

ومبارك العنزي كلماتك يا أستاز كتير حلوييييييييي

والحين تبغون تعرفون شوه سر العنوان اللي ما يخصه فالموضوع ..

شوفوا ألوان الموضوع وبتعرفون .. ( للي اشترى الشريطين)

يسلمووووووووووووووووووووووو

يعطيك الف عااااااااااااااااااااااافية

تحياتي-خواطر فتاة...

http://www.noriny.com/album/14/pic/AAAA547.gif