السلام عليكم ورحمة الله و بركاته


نعم لا تستغرب من العنوان ..
فيه أمهات و للأسف يدعون [على] أبنائهم ..
و ليس [لهم] ..

مكن تكون الأم معصبه على شطانة عيالها ..
أو ممكن يكون الطفل سوى حركه استفزتها ..
لكن هذا مو سبب إنها تدعي عليه ..
خاصة إنه و من المعروف أن دعاء الأم مستجاب ..

خلوني أقولكم قصتين و شوفوا الفرق بينهم ..

القصـه (1) :
كانت الأم في إحدى أيام رمضان تقلي (لقيمات)في المطبخ..
و جاء أحد أطفالها و أخذ حبة من اللقيمات و أكلها..
قالت الأم إستنى الحين راح أحطه على الفطور لا تاخذ شي ..
لكن الطفل بشقاوته الطبيعيه .. جاء و أخذ حبة ثانية و إنحاش ..
قالت الأم قل آمين جعلك ما تحدرها ..
الولد طلع للشارع و جت سياره و صدمته و مات ..
و لقوا حبة اللقيمات في فمه ما بلعها ..


القصه (2) :
كانت الأم عندها عزيمة .. و العشاء كان جاهز و كل شي تمام ..
و خلاص تبي تحط العشاء الحين ..
جاء الطفل و في يده رمل و كب الرمل على الرز حق العشــــاء ..
قالت الأم قل آمين جعلك تحفظ القرآن ..
و فعلاً ما خلصت السنه إلا و هو حافظ القرآن -ماشاءالله- ..


شوفوا الفرق بين القصتين ..!
مع أن الأم باستطاعتها أن تستبدل الدعاء على طفلها بالدعاء له ..


برأيكــــم ماهي الأسباب التي تجعل الأم تدعي عليه ؟
و ما هي الطرق لمنع ذلك ؟

اولا مرحبا بكي غاليتي
موضوع جميل ويطيب لي ان اعقب
عليه
انا باعتقادي وطبعا هذي وجهة نظر
ان الأم مهما دعت على الابن او البنت
ما اعتقد انه يكون من قلبها ومو كل
دعوة تستجاب يعني قلب الام مستحيل
يكره وفي مثل يقولونه قبل

قلب الوالد على الولد وقلب الولد
من حجر الصم

يعني قلب الام او الاب سواء
صافي صفاء الماء بالنسبة لابنائهم
:
:
وربي يحفظ كل ام وكل اب