أحبـه والكـل يشهد بغـلاه أحبـه ومنـه الله لا يحرمنـي
أعشـق فيه جمالـه يامحـلاه و لون عيونـه اللي تذوبنـي

ياويلـي عليه لو بس ألقـاه يروح يومه كله وهو بحظنـي
لكن الزيـن مايكمل حـلاه حبه حلو لكنه حيل متعبنـي

يبيـني طـول الوقت وايـاه ماأتركـه و لا يبي يتركنـي
مايبيـني أتكلم الا معــاه وبجنون غيرته صار يعذبنـي

ولو تأخرت لحظة عن لقـاه يزعل ويقـول ليه تكرهنـي
المشكله انه يعرف غــلاه ويعرف انـه بحبـه مجننـي

لو زعل أضيع في دنيــاه و أتمنـى لو الأرض تبلعنـي
ياويلي بس لو جاني جفـاه أتعب والبعد حيل يضايقنـي

ما أقدر أتحمل لحظة فرقـاه أتعب وأحس ضميري يأنبنـي
أحيان أقول خلاص أبنسـاه وبروح وبقولـه لا تكلمنـي

وأقول أحسن أعيش بليـاه ماأبي يتصل ولا يسأل عنـي
يمكن أرتاح من حبه وبلـواه يمكن البعد عنه راح يريحنـي

ولما أروح وأتقابل معــاه ألقى اللهفة فيني تقتلنــي
وأنسى اللي كنت أنا أبغـاه وألقى كل أحاسيسي تكذبني

فجأه ألقى نفسي بين دفـاه وأضم صدره لين مايحرقنـي
وأتنفس من شفاته و هـواه وأقول له ماأبيك تبعد عنـي

وأنسى اني قلت أبي أنسـاه وأتذكر انه بالحيل واحشني
أحسه مالكني بحبه وغـلاه وبلون عيونه أحسه ساحرني

بروحي و حياتي أنا أفـداه فديت حبه حتى لو متعبني
ما أقول غير بجنون أهـواه وعن حبه اللـه لايبعدنـي

كلمات في قمة الابداع

الف شكر اختي عالطرح المميز

لاعدمناك

صح الله لسان شاعرها
صح لسانكـ وقلبكـ
قصيده راااائعه
انتظر جديدكـ

تقبلي حياتي بدل تحياتي اخوكـ(مجنونها)

صح لساااااااانك على الكلام الروعه
وانتظر جديدك
وتقبلي مروري
اخوكي
ذبحهم

تحياتي لكم اخواني
وتسلموووووووووون على الردود الرائعه
والله يعطيكم العافيه

ياويلـي عليه لو بس ألقـاه يروح يومه كله وهو بحظنـي
لكن الزيـن مايكمل حـلاه حبه حلو لكنه حيل متعبنـي
مشكووووووووووره كلمات اتجننننننننننننننن
(ثمـــــــــــــــــــــــــــــــين)

العفو اخوي ثمين
ويسلموو على ردك الالأثمن