هذي القصه واقعيه ولد قط امه في دار المسنين علشان زوجته كانت ماتبيه وكانت تقوله ان المصحه احسن لها واريح والام قصدة هل القصيده لولدها




وين انت يا حمدان امـك تناديـك
وراك مـا تسمـع شكايـا وندايـا

يا مسندي قلبي على الدوم يطريـك
ما غبت عن عيني وطيفك سمايـا

هذي ثلاث سنين والعيـن تبكيـك
ما شفت زولك زايـر يـا ضنايـا

تذكر حياتي يوم اشيلك واداريـك
والاعبـك دايـم وتمشـي ورايـا

ترقد على صوتي وحضني يدفيـك
ما غيرك احدٍ ساكن فـي حشايـا

واليا مرضت اسهر بقربك واداريك
ما ذوق طعم النوم صبـح ومسايـا

ياما عطيتك من حنانـي وبعطيـك
تكبـر وتكبـر بالأمـل يـا منايـا

لكن خساره بعتني اليـوم وشفيـك
واخلصت للزوجه وانا لي شقايـا

انا ادري انها قاسيـه مـا تخليـك
قالت عجـوزك مـا ابيهـا معايـا

خليتني وسط المصحه وانا ارجيك
هذا جزا المعروف وهـذا جزايـا

يـا ليتنـي خدامـة بيـن اياديـك
من شان اشوفك كل يوم برضايـا

مشكور ياولدي ووتشكر مساعيـك
وادعـي لـك الله دايـم بالهدايـا

حمدان يا حمـدان امـك توصيـك
اخاف ما تلحق تشـوف الوصايـا

اوصيت دكتور المصحه بيعطيـك
رسالتـي واحروفهـا مـن بكايـا

وان مت لا تبخل علـي بدعاويـك
واطلب لي الغفران وهـذا رجايـا

وامطر تراب القبر بدموع عينيـك
ما عـاد ينفعـك النـدم والنعايـا



هذه القصيده ابكتني وهزت كياني كلمات ام تستنجد بولدها فهل من مجيب؟؟


منقول

الله الله
وتسلم
والله القصيده تبكي
يا كيف يتخلى الولد عن امه
وواهي ما نست ضناها
يا قسي قلب الولد ويا جحوده
تقبل مروري اختك
دمعه العاشقين
انتظر جديدك،

ياقسى قلبه والله قصيده تبكي القلب قبل العين الله يحفظهم لنا يارب هم شموع البيب وازهاره إللي تتفتح بكل صباح لجل تنشر عبيرها وتسعد غيرها الله لايحرمنا منهم يارب تسلم يمينك ع النقل ويعطيك العافية أخوي تقبل مروري ‏ولـيـف الـحـزن

حسبنا الله ونعم الوكيل

تسلم اخوي ولاهنت


تقبل مروري

اخوكــ الحـــــــب

الله الله يكون في عونها
صح لسانك وصح لسان شاعرتها
وانتظر جديدك
وتقبل مروري
اخوك
ملكـــــ

لاحول ولاقوة الا بالله
مشكووور يالغلا على النقل وتسلم يمناك
تقبل مروري

يسلموووووووووووووووو ع المرور الجميل
مروركـ يشرفني وينور صفحتي (دمعة العاشقين)
الله لا يرحمنا من مروكـ الجميل
تقبلي حياتي بدل تحياتي اخوكـ(مجنونها)

يسلمووووووووووو ع المرور الجميل
مروركـ يشرفني وينور صفحتي (ولف الحزن)
الله لا يرحمنا من مروركـ الجميل
تقبل حياتي بدل تحياتي اخوكـ(مجنونها)

يسلمووووووووووو ع المرور الجميل
مروركـ يشرفني وينور صفحتي (الحــــــب)
الله لا يرحمنا من مروركـ الجميل
تقبل حياتي بدل تحياتي اخوكـ(مجنونها)

يسلمووووووووووو ع المرور الجميل
مروركـ يشرفني وينور صفحتي (ملك الرومنسيه)
الله لا يرحمنا من مروركـ الجميل
تقبل حياتي بدل تحياتي اخوكـ(مجنونها)

يسلمووووووووووووووو ع المرور الجميل
مروركـ يشرفني وينور صفحتي (ناموسه مجروحه)
الله لا يرحمنا من مروركـ الجميل
تقبلي حياتي بدل تحياتي اخوكـ(مجنونها)

لاحول ولا قوة الا بالله
شكرا لك اخي
منقول مميز سلمت اناملك

ودمت بود