يسعد صباحك يابعد كل ملي

ياللي على بعد المسافه طرالي

يامشغلن قلب العنا باالتغلي

ارفق بحالي يابعد كل غالي

في غيبتك يازين محدن فطلي

الا بيوت الشعر ياراس مالي

اكتب من الاشعار ممّا حصلي

واظرب مثل وانته مثل ياالمثالي

يابو عيونن سود مثلك دولي

مانيب سالي عنك لو كنت سالي

اليا ذكرتك جيت باالشعر كلي

حتى القلم ملّ الورق واشتكالي

من كثر مكتب فيك في كل حلي

صارت يميني تشتكي من شمالي

سليت سيف الحب يازين سلي

وحفضتلك عهد الغلا ياحلالي

بعدك يعزيني وقربك يسلي

واذكرك ياالمحبوب في كل حالي

ملي بعد فرقاك يازين قلي

اقول خالي واثر مانيب خالي

وشلون وانت اللي معي مثل ضلي

واليا نسيتك مر طيفك اقبالي

ان كان قصدك صد ماهو تغلي

صعبه تلاقيلك حبيبن بدالي

صح لسانك
ولاهنت
اخوي جريح الحب

تقبل مروري
اخوكــ الحــــــب

كلمات رااائعة

فلا وجود لحروفي بين سطورك ..

فسطورك اسمت بروعة بوحها ..

بروعة حسها العذب الصافي ..

لا حرمنا روعة ما تخطه اناملك الماسيه..

ولا روعة ما ينزفه قلمك المبدع



تقبل مروري أختكــ كــــــــلي حزن